309 Verhalen van Baziel

Baziel (51)

Baziel reed in de verkeerde richting rond een rotonde.
De agent " Ehwel Baziel, heb je de pijlen niet gezien?"
Baziel: " Pielen! Waffer pielen? 'k En hèn zelfs nog gin Indionen gezien".


Baziel (52)

Baziel had in occasie een afgedankte treinwagon gekocht en achter in zijn tuin geplaatst.
Zag Hektor hem daar die wagon vooruitduwen in één richting, vlug verlopen en duwen in de andere richting, heen en weer.
Hektor: "Ehwel Baziel, wa stik je dor uut?"
Baziel: "Zulma zit ip 't vertrek en 't is 'niet gebruiken bij stilstand'!"


Baziel (53)

Baziel zat in zijn achtertuin, in de gietende regen, een pijpje te roken onder
een paraplu, gezeten voor zijn wagon.
Kwam Hektor langs: "Mor Baziel, in zo'n weer, waarom kruip je nie in je wagon?"
Baziel: " 'k Hèn me miskocht, 't is een 'non fumeur'!".





Baziel (54)

Toen Baziel naar 't leger moest, vroegen ze hem in 't Klein Kasteeltje: "Kies
je voor de zeemacht, de luchtmacht of de landmacht?"
"De marine" zei Baziel.
"Goed zo, kun je zwemmen?"
Baziel: "Hoe, hèn ze gin boten mè dè?"


Baziel (55)

Baziel meldde zich aan bij een boomhakkersbedrijf.
Hij werd aangeworven en kwam de eerste dag naar zijn werk met een heel klein bijltje, bijna speeltuig.
"Denk je dààr bomen mee om te hakken?" vroeg de baas.
"Nateurlik", zei Baziel, "je wit zeker nie da kik specialist zien?"
De baas: "Specialist, en waar heb je dan wel gewerkt?"
Baziel: Ik hèn bomen geveld in de Sahara"
De baas: "Mor allé, ter zien dor toch gin bomen".
Baziel: "Nu nie mè, nu nie mè".


Baziel (56)

Een Amerikaanse farmer kwam op bezoek en schepte op tegen Baziel:
" Mijn eigendom is zo uitgestrekt dat als ik er de toer wil van doen, ik 's
morgens heel vroeg moet aanzetten en pas 's avonds heel laat weer thuis ben".
Baziel: " 'k Hèn ook nog zo'n otto hèt".


Baziel (57)

Hektor: "Mo Baziel, je hebt een bruine en een zwarte schoe aan"
Baziel: " Ja 't is rare hé. En je wit zeker nie wa? 'k Hèn tuus nog zo'n poor
stoon".







Baziel (58)

Baziel liep door de warme straatjes in Antwerpen.
Klampte hem daar een dame van lichte zeden aan:
" Meneertje, kom je nie mee naar binnen?"
"En vor wa?" vroeg Baziel.
"Je got da zien, hoe geestig dat da dor is" zei het dametje.
Baziel: "Os da do binnen zo geestig is, wa doe je gie hier ton ip stroate?"


Baziel (59)

Baziel stond op de trein te wachten.
"Nor wor go je?" vroeg Hektor.
"Zwiegt Hektor", zei Baziel, " 'k zien Zulma zo beu, da'k e ki no Paries goan.
Ze zeggen dat da gunter vul lopt mè schone meisjes, die stief gemakkelijk zien".
"Zo zo", zei Hektor, "maar als je mè zo'n voornemens nor Paries goot, wat doe je ton mè die grote kerkeboek oender joen orme?"
Baziel: "Ehwel, os 't gunter is lik of da ze gezeid hen, zoe'k wel bluuven toe
Zundage".


Baziel (60)

Baziel zei tegen Hektor: " 'k Gon een uutstaptjie doen met de vrouwe. Me gon e ki gon kieken no dien tunnel in Calais".
Maar een uur later stond hij daar al terug.
Zei Baziel tegen Hektor: "Me woren der hoast, en ol mè de ki stond er dor e
groot plakkoot ip de boane: 'pas de calais'. Zo me zien ton mo weregekeerd hé".


Baziel (61)

Een Frans madammeke kwam op Baziel zijn hofstede.
"O que ça pue ici" riep ze.
En Baziel in zijn beste Frans: " Ca c'est niks madamtje, ce sont mes koei".




Baziel (62)

Soldaat Baziel liep zonder groeten een kapitein voorbij.
De woedende officier: "Moet gij niet groeten?"
Baziel: " 'k Hen d'ere nie van je te kennen Meneere"
"En dit dan?", brieste de kapitein, wijzend naar de drie sterren op zijn kraag.
Baziel: "Pardon meneere Martell, ik en haen 't nie gezien"


Baziel (63)

Baziel had een tweedehands motto gekocht.
Hektor zag hem stappen met de motto aan de hand en vroeg: "Got nie dè?"
"Zwieg" zei Baziel, " 't is lik mijn eerste lief, 'k liepen d'er ook meer
neffens of da'k d'er ip zaten".


Baziel (64)

Baziel kwam thuis: een gat in de nacht en met een stuk in zijn kraag.
Riep Zulma: "Van woor kom je gie zo loate?"
Baziel: "Van 't kerkhof".
Zulma: "Is 't er iemand dood?"
Baziel: "Ze zien dor ol dood".


Baziel (65)

Baziel kwam thuis: een gat in de nacht en met een stuk in zijn kraag.
Zonder sleutel, moest hij aanbellen.
Zulma riep van achter de deur: "Is 't gie, Baziel?"
En Baziel: "Hoe zoe dadde, kommen d'er hier nog andere ook dè?"


Baziel (66)

Baziel stond in het pissijn.
Zei hij tegen Hektor: "Hoe oekder da'k worden, hoe hoger da'k kunnen pissen".
Hektor: "Mo Baziel, 't is toch juust 't omgekeerde?"
Baziel: "Toetoet. Vroeger piste ge'k ip mijn schoên en nu pis ekik ol ip mijn
kniên".


Baziel (67)

Soldaat Baziel liep met een eend onder zijn arm door de kazerne.
Vroeg de adjudant: "Wat doe je met die eend daar?"
Baziel: " 'k Hèn ze gevoenden".
De adjudant: "Ja maar in de kazerne mag je dat beest niet houden.
Het beste ware dat je er mee naar de dierentuin gaat".
's Anderendaags liep hij weer rond met zijn eend.
De adjudant: "Ik had je toch gezegd dat je ermee naar de dierentuin moest gaan?"
Baziel: " Wel bedankt vo de goe road, adjudant.
Men d'er gister no toe gewist.
En vandage gom e ki tegore no de cinema".


Baziel (68)

Baziel in het postkantoor: "Madame 'k zoen willen een tember hèn. Eén van 17 frank.
En o je zoe willen de pries d'er van doen: 't is vor e kadootjie".


Baziel (69)

Baziel was grafdelver.
Als hij weer eens laat thuis kwam snauwde Zulma: "Je go me nie wies maken da je nu nog zo lote een doon moste begraven".
"Pertang", zie Baziel, " 't was dien chanteur da me begraven hen. D'er was
zoveel volk en z'en zo lange geklakt, da m'em wel tien keren en moeten were bovenholen".


Baziel (70)

Baziel werd veldwachter.
Op een dag moest hij aan een inwoonster gaan melden dat haar man op een werf in Brussel verongelukt was. "En voorzichtig aankondigen hé" zei de burgemeester.
Baziel vroeg: "Zie je gie de weduwe Van Slambroeck?"
Ze antwoordde: " Getrouwd en gesteld, ja, mo gin weduwe".
Baziel: "Vor hoevele gon me wedden?".
Baziel (71)

Baziel was veldwachter.
Op een dag moest hij aan een inwoonster gaan melden dat haar man op straat was doodgereden. "En voorzichtig aankondigen hé", zei de burgemeester.
Aan het huis gekomen, vroeg hij: "Is Juul thuus?"
"Neen " zei zijn vrouw, "j'is no den Bazaar om waspoejer".
"J'is van gedacht veranderd", zei Baziel, "j'is om zepe".


Baziel (72)

Baziel, weer met een stuk in zijn voeten, was aan de verkeerde kant de autoweg opgereden.
Plots hoorde hij over de radio: "Opgepast op de E-40, er is een spookrijder
gesignaleerd".
Waarop Baziel: "Waleere, één spookrijder. 'k Hen d'er ik ol wel hoenderd
gezien".


Baziel (73)

In de avondschool.
Baziel: "k Zoen hier willen chinees leren".
De direkteur: "Ha zo, en waarom?"
Baziel: "Ehwel, mèn miender e chinees kiendtjie ingedoon en 't go nu verre een joor worden en me zoen toch gèren verstoon wat dat 't zegt os 't begunt te klappen".


Baziel (74)

Baziel werd tewerk gestelde werkloze in een museum.
Bij het poetsen liet hij een vaas ontglippen die in duizend stukken viel.
"Mo Baziel toch" jammerde de direkteur, "een vaze die meer of duust joor oed is".
Baziel: " Och, 'k en een menuut chance. 'k Woren ol benauwd dat 't een nieuwen was".




Baziel (75)

In de trein.
Baziel, met een "zinder" op: "Madame, zoe je geloven da je gie 't lelijkste
vrouwmens ziet da'k ooit in mijn leven gezien hen?"
De madame: "Mijneere, je ziet een oenbeschofte kèrel, en dorbie, je zied
annozel droenke".
Baziel: " 'k Weten 't madamtjie, 'k weten 't, mo van mien hé, is da morgen
gedoon".


Baziel (76)

Baziel kwam nachtelijk en vrolijk naar huis.
Zulma: " En, 't was were een plezanten avond zeker?"
Baziel: "Toe nu toe wel joo't."


Baziel (77)

Baziel kwam bij Hektor en had een koppel blauw ogen.
"Hoe komt dat?" vroeg Hektor.
"'k Zaten in de kerke", zei Baziel, "en vor me stond er e madam en heur
rokstjie zat vaste tusschen heur billen en 'k en ter willen uutholen, en z'ee
me een blauw oge geslegen".
"En hoe kom je ton an twee blauwe ogen?" vroeg Hektor.
" Eh wè, omda ze zo dul was, èk da willen goed maken en 'k hen dat rokstjie were tusschen heur billen willen steken".


Baziel (78)

Baziel kreeg een briefkaart.
Zei de fakteur: "D'er staat niks op geschreven".
Zei Baziel: " 't Is van mijn broere nateurlik".
"Hoe kun je dat weten? " zei de facteur, "d'er staat toch niks op?"
Baziel: "Juuste dorom. Me spreken miender ol joren nie mè tegen molkoor."






Baziel (79)

Baziel en Hektor hadden twee bommen uit de eerste wereldoorlog gevonden.
"Me gon da no de gendarmes briengen", zei Hektor, "mo vorzichtig, want ziet dat er één ontploft".
Baziel: "Ehwel me gon ton zeggen da me mor één gevoenden hèn".


Baziel (80)

Baziel was parkwachter.
Vanuit de vijver hoorde hij plots roepen: "Help, help, ik kan niet zwemmen!".
Baziel: " Ehwel j'è gie chance, want je mag hier nie zwemmen".


Baziel (81)

Er was een toerist in de Dyver gevallen.
Hij riep "Au secours! Au secours!"
"Wa zegt 't ie?" vroeg Baziel.
"Je roept achter hulpe" zei Hektor.
Baziel: " A 't ie ook nie beter leren zwemmen in de platse van frans te leren?"


Baziel (82)

Op café vroeg Baziel aan een onbekende verbruiker:
"Meneere pardon, mo zie je gie soms gin Chinees?"
"Neen ik" zei de man.
Wat later: " Mo meneere, je zie gie toch een Chinees?"
"Maar neen" antwoordde de man.
Maar Baziel was blijkbaar niet overtuigd en stelde de vraag nog een paar maal.
De man kreeg het op de heupen en om van die lastige kerel af te geraken, toen die weer op hem af kwam "Mo meneere zie je gie echt geen Chinees?" antwoordde hij: "Ehwel ja, 'k moet het bekennen, 'k ben een Chinees".
Waarop Baziel: "Ehwel meneere, je zoed het nie zeggen wèje".



Baziel (83)

Om drie uur 's nachts kwam hij thuis.
Zulma: "Legt da nu mor e kir uut, worom da je nu nor jen huus komt."
Baziel: " 'k En kosten wel nie anders, de café gienk toe".


Baziel (84)

"En", vroeg de generaal tegen soldaat Baziel: "Wat wil je worden in 't leger?"
Zei Baziel: "Ik willen generol worden".
De generaal: "Zijt ge zot?"
Baziel: "Is da nodig dorvoren?"


Baziel (85)

Baziel zat te vissen aan de waterkant.
Vroeg Hektor: "En? Bieten ze?"
Baziel: "Mo ba nee'se, je moe nie benauwd zien. Zet je mo bie".


Baziel (86)

Weende Zulma: " 't Is onze zilveren jubilee en je n'è niks gekocht".
Baziel: "Allé vrouwe, zeg het mo, wat è je te kope?"


Baziel (87)

De vader van Baziel lag op zijn sterfbed.
Vroeg Baziel: "è je wa nodig?"
"Ja", zei de vader, wijzend naar de hesp die tegen het plafond hing, "e
stikstjie van die hespe do".
Baziel: "Da gon nie goon, vodere, me sporen da vo de begravinge".


Baziel (88)

Langs de expressweg stopte een auto.
De chauffeur vroeg aan Baziel: "Hoe kom ik bij de Club?"
Baziel: "Ah meneere, mè vele te trainen hé".

Baziel (89)

Baziel was sergeant en moest het nieuws meedelen aan soldaat Janssens dat diens vrouw overleden was. "Maar voorzichtig hé" zei de adjudant.
Het peloton werd op een rij gezet en Baziel riep:
"Al die weduwnaar is, één stap vooruit. Soldaat Janssens acht dagen cachot."


Baziel (90)

Op de match Club-Anderlecht bleef er naast Baziel een plaats op de tribune vrij.
Vroeg een supporter: "Is je vrouwe nie mee dè?"
Baziel: "En nee's é, z'is dood".
En de andere "Vor zo'n match, hoe da je de koorte nie aan één van je familie
gegeven hèd".
"Da zoe nie holpen hèn", zei Baziel, "ze zien ollemolle no de begravienge".


Baziel (91)

Baziel: "Je ziet er zo triestig uut Hektor. Go't nie?"
Hektor: "'t Is deur me vrouwe é. Ze sprikt olsan mo van heur vroeger vint".
Baziel: "J'è gie nog chance. Zulma klapt olsan van heur volgende vint".


Baziel (92)

Baziel was moeizaam aan het klimmen op een openstaande slagboom.
"Wat doe je?" vroeg Hektor.
"Zie je da nie" zei Baziel, "die slagboom meten".
Hektor: "Worom leg je hem do voren nie plat?"
Baziel: "Gie dwozen, 't is de langte nie da ze moeten weten, 't is d'hoogte".


Baziel (93)

Baziel werd opgeroepen voor het leger.
In 't Klein Kasteeltje vroegen ze hem: "Wat verkies je, 't voetvolk of 't
paardevolk?"
Baziel: "Os het vo joender geliek is, stik me ton mo bie 't vrouvolk".

Baziel (94)

Baziel en Zulma kregen maar geen kindjes.
De dokter had hun al vaak uiteengezet hoe daarvoor moest worden tewerk gegaan, maar tevergeefs. Baziel begreep het niet.
Ten einde raad zei de dokter: "Allé Zulma, je kleren uit".
Hij deed hetzelfde en gaf aanschouwelijk onderricht.
"Heb je dat nu goed gezien Baziel?"
"Ja, meneere den dokteur".
"Ehwel, we gaan da nu alzo drie keren per week doen, Baziel. Goed verstaan?"
"Ja Menere den dokteur..En go je dorvoren nor huus komen, of moet 'k ze
briengen?"


Baziel (95)

De dokter zegde tot Baziel: "Als je zo verder drinkt, zul je nooit oud worden".
Antwoordde Baziel: "'k Gon ton mor beter voortdoen. 'k Bluuven ik liever joeng".


Baziel (96)

Baziel :"Je moet e ki peizen. Zulma bluuft toch zeker wel olle nachten ip toe
ten tweên, ten drieën. Dat is nie mè te doen".
Hektor: " En waarom doet ze dat?"
Baziel: "Ehwel, ze zit te wachten toe da 'k thuus kommen".


Baziel (97)

Baziel kwam het commissariaat binnen gelopen:
"Commissaris, stik me zere in 't cachot.
'k Hen e blompot ip Zulma heur kop kapot geslegen".
"Zo", zei de commissaris, "en is ze dood"?
Baziel: "Juuste nie. Ze zit achter me vo me te pakken".





Baziel (98)

Baziel werd ingeschreven als werkzoekende.
Vroeg de ambtenaar: "En wat is je beroep?"
Baziel: "Ik jagen ip everzwijns in Brugge".
De ambtenaar: "Maar er zijn toch geen everzwijns in Brugge!"
Baziel: "En worom peis je wel da'k moeten gon doppen?"


Baziel (99)

Hektor: "Ga je nie mee naar den Barbier van Sevilla?"
Baziel: " 'k Peinzen van nie, 'k scheiren ik mien met den elektriek".


Baziel (100)

Baziel ging de lingeriewinkel binnen.
Baziel: " 't Is vor een hemde".
De verkoper: " Eén zoals mijn hemd?"
Baziel: "Neen, een properen".